Žurnalisty «Biełsata» Alaksandr Barazienka i Halina Abakunčyk zatrymanyja paśla sustrečy ź Viktaram Babarykam u Salihorsku.
Jany paśpieli paviedamić, što na vyjeździe z horada ich pieraśledvaŭ mikraaŭtobus na tranzitnych numarach. Paśla ichniuju mašynu spyniła DAI, paśla čaho padjechała treciaja mašyna.
Viadoma, što žurnalistaŭ zatrymlivaŭ načalnik adździeła achovy pravaparadku i prafiłaktyki Salihorskaha RAUS padpałkoŭnik Aleh Šałocha. Imavierna, ich vinavaciać pavodle art. 22.9 KaAP (parušeńnie zakonu ab ŚMI) — za pracu biez akredytacyi.
Dziažurny ŭ RAUS paćvierdziŭ belsat.eu, što Barazienka i Abakunčyk znachodziacca tam. Pavodle jaho, ciapier ź imi «razmaŭlajuć, raźbirajucca». Kankretnuju pryčynu zatrymańnia dziažurny nie nazyvaje.
0
0
0
0
0
0
