Suśvietnaja arhanizacyja achovy zdaroŭja spyniaje kliničnyja vyprabavańni lačeńnia COVID-19 hidraksichłarachinam, preparatam suprać malaryi, paviedamlaje Reuters.
Daśledavańnie hidraksichłarachinu było spyniena z-za adsutnaści jaho efiektyŭnaści abo chacia b niejkaj karyści.
Pra heta skazała na bryfinhu ekśpiert SAAZ Ana Maryja Enao-Restrepa.
U zajavie, apublikavanaj paźniej u sieradu, SAAZ zajaviła, što heta rašeńnie było zasnavana na vynikach kompleksnaha daśledavańnia, jakoje pakazała, što preparat nie dapamahaje pacyjentam COVID-19.
Daśledavańni «pakazali, što hidraksichłarachin nie pryvodzić da źnižeńnia śmiarotnaści špitalizavanych pacyjentaŭ COVID-19», havorycca ŭ zajavie SAAZ.
Upraŭleńnie pa kantroli za praduktami i lekami ZŠA ŭ paniadziełak adklikała svoj dazvoł na nadzvyčajnaje vykarystańnie hidraksichłarachinu dla lačeńnia COVID-19, zajaviŭšy, što bolš niama padstaŭ mierkavać, što hidraksichłarachin i źviazany ź im preparat chłarachin buduć efiektyŭnyja ŭ lačeńni hetaj chvaroby.
Raniej prezident ZŠA Donald Tramp kazaŭ, što prymaje hidraksichłarachin u jakaści prafiłaktyčnaha srodku ad karanavirusa.
