U kamandzie Viktara Babaryki «NN» paviedamili, što ŭviečary 16 červienia sud Maskoŭskaha rajona razhladaŭ skarhi Śviatłany Kuprejevaj i jaje advakata na zatrymańnie. Pasiadžeńnie adbyvałasia pry začynienych dźviarach, skarhi byli adchilenyja.
Śviatłana Kuprejeva. Fota facebook.com
Abvinavačańnie Śviatłanie Kuprejevaj pakul nie vystavili. U SIZA KDB jana znachodzicca ad 11 červienia ŭ jakaści padazravanaj.
«Dačynieńnie Kuprejevaj da jakich-niebudź supraćzakonnych dziejańniaŭ vyklikaje vialikija sumnievy, pakolki jana nie pracavała ni ŭ Biełhazprambanku, ni ŭ adnoj ź firmaŭ, dzie prachodzili pieratrusy. Jana tolki źjaŭlajecca siabroŭkaj Viktara Babaryki», — havorać u štabie.
«Štab Viktara Babaryki patrabuje spynić biesčałaviečny pieraśled svaich prychilnikaŭ», — adznačajecca ŭ zajavie.
Advakat jašče ni razu nie zmoh trapić da Kuprejevaj. Adnosna hetaha fakta była padadziena skarha ŭ Hienieralnuju prakuraturu.
Śviatłana Kuprejeva — siabra siamji Viktara Babaryki, a taksama kaardynatar inicyjatyŭnaj hrupy kandydata pa adnym z rajonaŭ Minska.
