Pasoł Rasii ŭ Biełarusi Dźmitryj Mieziencaŭ aceńvaje sumu mižbiudžetnych tranśfiertaŭ u ramkach dvuchbakovych raźlikaŭ za naftu na ŭzroŭni dziasiatkaŭ miljonaŭ dalaraŭ. Dakładny abjom tranśfiertu na karyść Minska budzie vyznačany pa vynikach faktyčnaha abjomu pastavak rasijskaj nafty ŭ 2020 hodzie, piša Interfax.by.
«Kančatkovuju sumu kampiensacyi abo, skažam, lhatavańnia pastavak nafty z boku rasijskich partnioraŭ možna budzie vyznačyć, kali pa vynikach hoda my budziem viedać, kolki ŭsiaho spažyli dva [biełaruskija — IF] NPZ … My dakładziom, jak tolki budzie zakryty bałans hetaha hoda, biez utojvańnia, na jakija dziasiatki i dziasiatki miljonaŭ dalaraŭ była akazana padtrymka ŭ enierha-naftavaj śfiery Biełarusi», — skazaŭ Mieziencaŭ žurnalistam u sieradu ŭ Minsku.
Pasoł paćvierdziŭ, što miechanizm mižbiudžetnaha tranśfiertu budzie zaćvierdžany bakami ŭ najbližejšy čas. Kamientujučy miechanizm, jon rastłumačyŭ, što havorka idzie pra pamnažeńnie sumy kampiensavanaj ź biudžetu RF premii pastaŭščykam nafty na faktyčny abjom pastavak syraviny. «Miarkujecca pamnožyć abjom pastaŭlenaj Biełarusi z RF nafty na ličbu [pamier premii pastaŭščykam — IF], jakaja budzie ŭ najbližejšy čas zamacavanaja ŭ tych pahadnieńniach, jakija buduć padpisanyja. Heta prosta budzie aryfmietyčnaje pieramnažeńnie», — adznačyŭ dypłamat.
Rasijski pasoł aceńvaje ŭzhodnieny mechanizm jak «vynik asablivych sajuźnickich adnosin rasijskaha boku da brackaj Biełarusi». «Heta surjoznyja kroki ŭ padtrymku taho zapytu, jaki byŭ paznačany ź Minska ŭ kancy minułaha hoda — pačatku hetaha hoda. Suma značnaja», — ličyć Mieziencaŭ.
