Va Ukrainie adbyłasia trahiedyja. Pra jaje paviedamiŭ u svaim fejsbuku namieśnik kiraŭnika MUS Anton Hieraščanka.
Niepadalok ad vioski Navasielica adpačyvała kampanija kijaŭlan, starych siabroŭ, jakija tam źbiralisia ŭžo nie raz pałavić ryby. Usiaho dzieviać čałaviek, u tym liku arandatar staŭka.
Vypiŭšy, 6 čałaviek pakłalisia spać u chleŭ, što stajaŭ na bierazie. Dvoje zastalisia dalej pić z arandataram staŭka.
Kala hadziny nočy arandatar staŭka, prafiesijny palaŭničy, pačaŭ rasstrelvać haściej sa strelby «IŽ». Spačatku jon zabiŭ dvaich, što pili ź im. Zatym pajšoŭ stralać śpiačych. Usiaho jon paśpieŭ rasstralać siemiarych čałaviek. Tolki adzin, pačuŭšy streły, paśpieŭ uciačy ŭ les, vyjści ŭ siało i vyklikać palicyju.
Padazravany zatrymany palicejskimi i znachodzicca pad vartaj.
«Dumaju, što sud nie budzie mieć inšaha rašeńnia, jak pažyćciovaje pazbaŭleńnie voli, dla čałavieka, jaki pazbaviŭ žyćcia siemiarych», — reziumavaŭ Anton Hieraščanka.
