Fota Nadziei Bužan
U vypadku abrańnia jaho prezidentam šokavaj terapii nie budzie, zajaviŭ patencyjny kandydat na pasadu Viktar Babaryka u intervju «Biełsatu».
«Jana była pry rezkim pierachodzie ad savieckaha ładu da niezrazumiełaha tady kapitalizmu. Ale ŭ Biełarusi daŭno pacichu refarmujecca ekanomika, praniknieńnie pryvatnaha kapitału jość, heta nie poŭnaja jaho adsutnaść u SSSR, — kaža bankir. — Tamu ja nie vieru, što paskareńnie reformaŭ budzie «šokavaj terapijaj». My hatovyja da hetaha, u nas užo, pa niekatorych źviestkach, kolkaść zaniatych u niedziaržaŭnym siektary ekanomiki vyšejšaja, čym u dziaržaŭnym. My zasiedzielisia ŭ pierachodnym pieryjadzie, i kali ciapier paskorycca, ja nie dumaju, što heta budzie šok».
«Kali paralelna z refarmavańniem dziaržsiektara stymulavać mały i siaredni biznes, to bolšaja častka vyzvalenych rabotnikaŭ budzie hetym biznesam pahłynutaja. A vysokakvalifikavanyja kadry možna pieravučvać dla nakiravańnia ŭ inšyja haliny, dzie śpiecyjalistaŭ nie chapaje, naprykład IT», — dadaŭ jon.
