U Hrodnie mužčyna vyjšaŭ z padjezda ŭ tapačkach, sieŭ u Peugeot i pačaŭ pavodzić siabie pa scenary GTA: spačatku raźbiŭ dźvie mašyny, potym prajechaŭsia pa słupach i źjechaŭ, paviedamlaje AŭtaHrodna.
Mužčyna vyjšaŭ sa šmatpaviarchoŭki ŭ tapačkach i pabieh u bok prypynku. Potym jon sieŭ u mašynu, zavioŭ i pajechaŭ. U hety momant da jaho ŭžo biehli supracoŭniki achovy.
Jak tolki jon zavioŭsia i pajechaŭ pa dvary na Peugeot, to adrazu źnios dźvie pryparkavanyja mašyny. Nie spyniŭsia, a pajechaŭ u bok kramy i pa darozie źnios jašče mačtu aśviatleńnia. Pakul davaŭ zadniuju, da jaho padbiehła achova, sprabavali raźbić škło, ale nie zmahli. Kiroŭca paśpieŭ udaryć pa piedalach, pajechaŭ napierad, pakasiŭ aharodžy i vyjechaŭ na vulicu.
Peugeot źjechaŭ pa sustrečnaj pałasie.
Kiroŭcu zatrymali. Idzie razbor.
