Łukašenka padpisaŭ ukaz ab padaŭžeńni na 3 miesiacy terminu dziejańnia niekatorych dakumientaŭ (pašparta, pravoŭ kiroŭcy, daviedak, dazvołaŭ i h.d.), paviedamlaje telehram-kanał administracyi prezidenta.
«Tak što ŭ najbližejšy čas nie pryjdziecca chadzić pa instancyjach i stajać u čerhach», — adznačajecca ŭ paviedamleńni.
Vydadzienyja fizičnym i jurydyčnym asobam (u tym liku i indyvidualnym pradprymalnikam) daviedki i dakumienty, termin dziejańnia jakich zakančvajecca ŭ pieryjad z 30 krasavika pa 31 lipienia 2020 hoda, zastanucca sapraŭdnymi jašče try miesiacy. Naprykład, kali termin dziejańnia dazvołu zaviaršajecca 15 maja 2020 hoda, to jon budzie praciahnuty aŭtamatyčna da 15 žniŭnia 2020 hoda.
0
0
0
0
0
0
