Ludmiła Karčeŭskaja
Za dva dni 18-19 maja sud Leninskaha rajona Bresta za ŭdzieł u niesankcyjanavanych akcyjach pratestu aštrafavaŭ traich praciŭnikaŭ akumulatarnaha zavoda: Ludmiłu Karčeŭskuju, Valeryja Faminskaha i Paŭła Kinčaka, paviedamiŭ «Bresckaj haziecie» pravaabaronca Raman Kiślak.
Usie troje pryznanyja vinavatymi ŭ parušeńni praviłaŭ arhanizacyi abo praviadzieńnia masavych mierapryjemstvaŭ (artykuł 23.34 KaAP). Nastaŭnik na piensii Ludmiła Karčeŭskaja aštrafavanaja na 50 bazavych adzinak (1 350 rubloŭ) za akcyju 12 krasavika, dalnabojščyk Pavieł Kinčak za hetuju ž akcyju — na 30 bazavych adzinak, siabra prafźviazu REP Valeryj Faminski — na 30 bazavych (810 rubloŭ) za šeści 12 krasavika i 3 traŭnia, a taksama za ŭdzieł u sustrečy z homielskim błohieram Siarhiejem Cichanoŭskim 2 maja na płoščy Lenina ŭ Breście.
U aŭtorak 19 maja pavinien byŭ praciahnucca sud nad pravaabaroncam Ramanam Kiślakom, ale paśla vychadu ź IČU jon zachvareŭ i ciapier znachodzicca na balničnym i samaizalacyi.
