Na pasiedžańni Centrvybarkama jaho staršynia Lidzija Jarmošyna adpuściła žart u bok žonki Mikoły Statkieviča. Abmiarkoŭvajučy śpis inicyjatyŭnaj hrupy, da jakoha ŭ CVK byli pytańni, Jarmošyna zaśmiajałasia: «Ja bajusia, uviečary Marynu Adamovič čakaje siamiejnaja scena!»
Maryna Adamovič u kamientary «Našaj Nivie» zaŭvažyła: takija žarty nie da miesca na aficyjnych pasiedžańniach. Kali b u nas byli etyčnyja kamisii, jany b nie pakinuli takija vykazvańni biez uvahi.
Maryna Adamovič. Fota Nadziei Bužan.
«Prosta škada čałavieka, jakomu niama čym zaniacca, akramia taho jak sačyć za pryvatnym žyćciom inšych i kamientavać jaho publična. Nie źbirajusia da jaje pryraŭnoŭvacca i adkazvać takim ža čynam.
Takoha rodu vykazvańni ŭ publičnych miescach, u pramym efiry charaktaryzujuć tolki ŭzrovień hetaj dziaržaŭnaj instytucyi. Heta dyjahnaz», — skazała Maryna Adamovič.
Čytajcie taksama:
Historyja ŭźlotu babrujskaj jurystki Lidzii Jarmošynaj. Padrabiaznaści žyćcia staršyni CVK
Jak «Naša Niva» šukała muža Jarmošynaj, jaki «dziŭna, što jašče žyvy»
