Pa stanie na ranicu 19 maja, pavodle źviestak Minzdaroŭja, u Biełarusi zafiksavana 31 508 vypadkaŭ karanavirusa.
Heta 23-je miesca ŭ śviecie. Naša kraina abahnała suvymiernyja pa nasielnictvie Šviecyju i Šviejcaryju. U skandynavaŭ zafiksavana 30 377 vypadkaŭ, u šviejcarcaŭ — 30 618.
Ale pa stanie na ranicu ŭ Biełarusi zafiksavana 936 novych vypadkaŭ, tady jak u Šviecyi — 234, u Šviejcaryi — 10 (adnak siońnia ŭžo 21).
U Biełarusi 3334 vypadkaŭ na 1 młn nasielnictva, u Šviejcaryi — 3 541, u Šviecyi — 3 010.
Praŭda, testaŭ na 1 młn robicca ŭ Biełarusi 39 692, u Šviejcaryi — 40 487, u Šviecyi ŭsiaho 17 588.
Pavodle aficyjnaj statystyki, u Biełarusi ad karanavirusa pamierli 175 čałaviek, u Šviejcaryi — 1 886, u Šviecyi — 3 698.
Taksama treba adznačyć, što Biełaruś uvajšła ŭ dziasiatku krain Jeŭropy pa kolkaści vypadkaŭ karanavirusa. U nas zaraz dziaviataje miesca. Napieradzie Rasija, Ispanija, Italija, Brytanija, Francyja, Hiermanija, Bielhija. Na vośmym miescy Niderłandy z 44 tysiačami chvorych. Učora ŭ hetaj krainie dadałosia 146 novych vypadkaŭ.
