president.gov.ua
Prezident Ukrainy Uładzimir Zialenski zajaviŭ, što vyniki baraćby z karanavirusam usialajuć nadzieju. Pra heta ŭ aŭtorak paviedamlajecca na sajcie kiraŭnika dziaržavy.
Zialenski adznačyŭ, što pandemija prymusiła «prymać novyja rašeńni i novyja ŭmovy žyćcia», usie krainy «pieraasensavali svaje padychody».
«Siońniašniaja tendencyja pa kolkaści chvorych i tych, chto ačuniaŭ, usialaje nadzieju, što pieršyja vykliki my hodna prajšli. Ale heta nie značyć, što my pavinny pabłažliva stavicca da karanavirusnaj infiekcyi», — padkreśliŭ Zialenski.
Na naradzie prezidentu paviedamili, što za minułyja sutki na Ukrainie zarazilisia 260 čałaviek, ačuniali 356. Pa apošnich danych, u krainie zafiksavana 18 876 łabaratorna paćvierdžanych vypadkaŭ karanavirusa. Najbolšaja kolkaść inficyravanych — u Čarnavickaj vobłaści (2742), Kijevie (2359) i Kijeŭskaj vobłaści (1245).
Va Ukrainie za ŭvieś čas praviedziena 239 tysiač testaŭ, tady jak u Biełarusi 375 tysiač.
Raniej hałoŭny sanitarny doktar Ukrainy Viktar Laško nazvaŭ 22 červienia ŭ jakaści papiaredniaj daty zakančeńnia karancinu.
