Klininhavaja kampanija «Čysty kit» zrabiła paŭnavartasny pierakład usich materyjałaŭ svajho sajta kitt.by na biełaruskuju movu i prapanuje siertyfikaty, jakimi možna budzie skarystacca paśla epidemii.
«U śviecie bolš za miljon klininhavych kampanij, u Biełarusi ich kala tysiačy. I tolki ŭ adnoj jość biełaruskaja mova! Pakul my majem bolš času, davodzim raniejšyja pačynańni da kanca. Voś ciapier narešcie całkam pierakłali sajt, dadali biełaruskuju movu», — adznačajecca ŭ sacyjalnych sietkach «Čystaha kita».
Kampanija źviartaje ŭvahu, što pryborki — heta ŭsio adno dadatkovyja kantakty, tamu lepš pakul ustrymacca ad hetych pasłuh, kali takaja mahčymaść jość.
Zatoje ciapier možna nabyć (i padaryć) elektronny siertyfikat na lubyja pasłuhi (chimčystka, myćcio voknaŭ, pryborka) na budučyniu.
Siertyfikat apłačvajecca kartkaj anłajn. Na poštu vy atrymajecie kod, jakim možna skarystacca ŭ luby čas. Takim čynam pryborku možna zamović ciapier, a skarystacca paźniej. I košty dla vas zastanucca niaźmiennymi.
