Nacyjanalnaja biblijateka Biełarusi padrychtavała konkurs dla školnikaŭ da 85-hodździa sa dnia naradžeńnia paeta Ryhora Baradulina, piša BiełTA.
Udzielnikami konkursu mohuć stać vučni 4-11 kłasaŭ. Dla hetaha im treba zrabić płakaty z cytatami paeta i napisać ese.
«My chočam zacikavić školnikaŭ biełaruskaj movaj i litaraturaj, źviarnuć uvahu hramadskaści na važnaść čytańnia. Našy asnoŭnyja mety — vychavańnie padrastajučaha pakaleńnia na najlepšych uzorach ajčynnaj litaratury, sadziejničańnie ŭkaranieńniu dadatkovych formaŭ navučańnia, pašyreńnie mahčymaściaŭ dla samarealizacyi i raźvićcia tvorčaha patencyjału asoby», — raspaviali ŭ NBB.
Konkursnyja pracy prymajucca da 31 lipienia. Vyniki buduć abvieščanyja 28 žniŭnia na partale Nacyjanalnaj biblijateki, a taksama ŭ žnivieńskim numary časopisa «Vychavańnie i dadatkovaja adukacyja», dzie buduć nadrukavanyja najlepšyja konkursnyja pracy.
