Suśvietnyja finansavyja rynki praciahvajuć pastupovaje adnaŭleńnie paśla sakavickaha abvału, adnak šmat u čym pazityŭnaja dynamika adbyvajecca dziakujučy tym aktyvam, jakija vyjhrajuć ad karanavirusnaha karancinu. U cełym ža situacyja składvajecca nie tak pazityŭna, pakolki vytvorčaść pa ŭsim śviecie staić, a ŭzrovień biespracoŭja tolki raście. Jakija aktyvy byli najbolš zapatrabavanyja ŭ krasaviku i što budzie z rynkami dalej? Davajcie raźbiracca razam z analitykami kryptavalutnaj płatformy Currency.com.
Fondavyja rynki
Tesla +86%
Rost akcyj kampanii viadomaha miljardera Iłana Maska šmat u čym zabiaśpiečany vychadam na kitajski rynak u druhim paŭhodździ 2019 hoda, dzie vytvorcu elektramabilaŭ vydali nie tolki dazvoł na vytvorčaść, ale i na prodažy aŭto. Hetyja padziei vielmi pazityŭna ŭpłyvajuć na košt akcyj kampanii, pakolki daloka nie ŭsim amierykanskim technałahičnym hihantam dazvalajuć vyjści na kitajski rynak. Pa-pieršaje, prablema zaklučajecca ŭ handlovym supraćstajańni pamiž dźviuma viadučymi ekanomikami śvietu, pa-druhoje, kitajski rynak vielizarny, ale pry hetym vielmi kankurentny za košt miascovych vytvorcaŭ. Kampanija praciahvaje demanstravać pazityŭnuju spravazdačnaść užo try kvartały zapar, i choć pa vynikach pieršaha kvartała 2020 hoda čysty prybytak źniziŭsia sa $105 młn da $16 młn, kampanija ŭsio ž demanstruje prybytkovaść, što i padtrymlivaje košt jaje akcyj padčas hłabalnaha kryzisu.
Z 1 pa 30 krasavika akcyi kampanii vyraśli z $475 da $883,5, što skłała 86% i absalutny rekord krasavika.
Zoom +58%
Pandemija karanavirusnaj infiekcyi i paŭsiudny karancin praciahvajuć akazvać pazityŭny ŭpłyŭ na kampanii, jakija pradstaŭlajuć svaje pasłuhi ŭ śfiery anłajn. Kolkaść ich klijentaŭ aktyŭna raście razam z vyručkaj, prybytkam i koštam akcyj. Vymušanyja pierajści na addalenuju pracu kampanii i supracoŭniki vykarystoŭvajuć u jakaści sposabu kalektyŭnych kamunikacyj płatformu Zoom, čyj čysty prybytak jašče pa vynikach 4 kvartała 2019 hoda vyras u 7 razoŭ u paraŭnańni z 3 kvartałam. Spravazdačnaść za pieršy kvartał 2020 hoda jašče nie apublikavanaja, ale całkam vierahodna, što jana pieraŭzydzie navat samyja śmiełyja čakańni inviestaraŭ i analitykaŭ.
Z 1 pa 30 krasavika akcyi kampanii vyraśli na 58% — sa $114,5 da $181,2.
eBay +42%
Akcyi amierykanskaha internet-hihanta eBay taksama demanstrujuć pazityŭnuju dynamiku na fonie rostu prodažaŭ, źviazanaha z karancinam. Ludzi znachodziacca doma i čaściej ździajśniajuć anłajn-pakupki, što paćviardžaje finansavuju spravazdaču kampanii za pieršy kvartał 2020 hoda — $3,41 młrd čystaha prybytku, suprać $0,56 młrd u čaćviortym kvartale 2019 hoda. Varta adznačyć, što biahučy prybytak usiaho za kvartał praktyčna ŭ dva razy bolšy, čym za ŭvieś papiaredni hod ci krychu mienšy, čym za dva apošnija hady. Biezumoŭna, heta fantastyčny pakazčyk.
U pieryjad z 1 pa 30 krasavika akcyi eBay vyraśli na 42% — z $28,46 da $40,34.
Facebook +36%
Najbujniejšaja sacyjalnaja sietka ŭ śviecie nie demanstruje kazačnaha pryrostu kolkaści karystalnikaŭ abo vyručki, jak inšyja IT-hihanty, ale, što nie mienš kaštoŭna ŭ hety niaprosty čas, — vyručka i dachodnaść kampanii stabilnyja. Pa vynikach pieršaha kvartała 2020 hoda vyručka skłała $17,74 młrd, a čysty prybytak — $4,9 młrd. Heta mienš, čym u čaćviortym kvartale 2019 hoda, tady vyručka skłała $21,08 młrd, a prybytak $7,35 młrd, ale ŭ toj ža čas praktyčna identyčna z druhim i trecim kvartałami 2019-ha.
Na fonie stabilnaści i pastupovaha adnaŭleńnia paśla abvału rynku akcyi kampanii Facebook u krasaviku vyraśli z $158 da $214,5, što składaje 36%.
Amazon +30%
Nu i narešcie — Amazon. Najbujniejšy ŭ śviecie anłajn-rytejler dziakujučy karancinu, jak i eBay, naroščvaje vyručku, prybytak i kolkaść klijentaŭ. Finansavaja spravazdačnaść za pieršy kvartał apublikavanaja jašče nie była, ale, mabyć, heta vidavočny fakt, pakolki anłajn-rytejł z kožnym hodam tolki raście. Amazon stabilna prybaŭlaje da štohadovaj vyručki pa 30%, ale siońnia hetaja situacyja źmienicca ŭ lepšy bok. Heta vydatna ŭśviedamlajuć i inviestary, jakija kuplajuć akcyi kampanii.
U krasaviku akcyi AMZN prademanstravali rost na 30% — z $1893 da $2470.
Syravinnyja rynki
Pryrodny haz +24%
Adnoj z hałoŭnych pryčyn, jakija spryjajuć rostu koštu pryrodnaha hazu, źjaŭlajecca zaniapad na rynku nafty. Vymušanyja spalvać lišak čornaha zołata naftazdabytčyki paralelna spalvajuć i haz, što pryvodzić da źnižeńnia zapasaŭ i ŭ peŭnym sensie deficytu. Dadatkovaj pryčynaj źjaŭlajecca ŭsio toj ža karancin, jaki da nastupleńnia ciopłych viasnovych dzion patrabavaŭ pavyšanaha spažyvańnia hazu ŭ žyłych pamiaškańniach, u jakija schavalisia ludzi pa ŭsim śviecie. Inviestary ŭ padobnyja pieryjady imknucca zakuplać doŭhija fjučarsy, ihnarujučy najbližejšyja pa dacie ekśpiracyi.
Naprykład, cana na pastaŭku hazu ŭ studzieni zaraz vahajecca la $2,88, choć trochi, ale ŭsie ž padtrymlivajučy canu. Vynik — cana hazu na rynku vyrasła ŭ krasaviku z $1,63 da $2,04, abo na 24%.
Zołata +11%
Hałoŭny kaštoŭny mietał praciahvaje sproby prarvacca da histaryčnych maksimumaŭ vaśmihadovaj daŭniny. Paśla abvału ŭ sakaviku zołata adnaviłasia raniej za ŭsich i ŭ krasaviku padaražeła jašče na 11%, padniaŭšysia z $1570 da $1746. Asnoŭnaj pryčynaj rostu zołata źjaŭlajecca, viadoma ž, hłabalny kryzis i niavyznačanaść. Druhi istotny faktar — vypusk na rynki tryljonaŭ dalaraŭ ničym nie zabiaśpiečanych hrošaj dla padtrymańnia viadučych suśvietnych ekanomik. Adnak nieŭzabavie heta pryviadzie da padvyšanaha ŭzroŭniu inflacyi ŭ raźvitych krainach, nie kažučy ŭžo pra ekanomiki, jakija raźvivajucca, dzie inflacyja i ŭ spakojny čas źjaŭlajecca prablemaj. Hałoŭnym instrumientam, z dapamohaj jakoha inviestary ratujuć svaje kapitały ad abiasceńvańnia, ličycca zołata. Adpaviedna, na praciahu 2020 hoda my, vierahodna, ubačym novyja cenavyja maksimumy pa kaštoŭnym mietale.
Kryptavaluty
Ethereum +77%
U krasaviku najbolš mahutnuju dynamiku na kryptarynku demanstravaŭ Ethereum, ale nie biez dapamohi svajho starejšaha tavaryša bitkoina. U centry ŭvahi ličbavaj supolnaści, zrazumieła, budučy Bitcoin chałvinh, jaki padhaniaje inviestaraŭ da pakupak, adnak i ŭ efiru jość svaje padstavy dla rostu. Vitalik Buteryn, zasnavalnik Ethereum, paviedamiŭ, što ź pierachodam sietki na ałharytm PoS emisija kryptavaluty źnizicca z 4,7 młn ETH u hod da 2 młn ETH, što ŭ peŭnym sensie taksama źjaŭlajecca padabienstvam chałvinhu, zadača jakoha strymlivać i kantralavać emisiju maniet. Dziakujučy hetaj infarmacyi kurs efiru ŭ krasaviku apiaredziŭ pa dynamicy bitkoin, padniaŭšysia sa $128,62 da $227,63 — na cełych 77%. Na biahučy momant kapitalizacyja druhoj pa vieličyni kryptavaluty składaje $ 22,69 młrd.
Bitcoin +54%
Hałoŭnaja kryptavaluta praciahvaje ŭpeŭnienaje adnaŭleńnie paśla abvału, jaki zdaryŭsia 12-13 sakavika. Z taho momantu BTC vyras na 156%, 54 ź jakich pryjšlisia na krasavik. Košt bitkoina padniaŭsia z $6151 da $9477. Asnoŭnaja pryčyna, jak užo havaryłasia vyšej, — budučy chałvinh, pryznačany na 12 maja, abo źnižeńnie ŭznaharody majnieram za zdabyču błoka ŭ 2 razy. Pakolki tradycyjna heta padzieja ŭ kryptaśviecie hraje stanoŭčuju dla cany rolu, inviestary nie stali piarečyć tradycyjam i praciahvajuć zakuplacca ličbavym zołatam. Rost adkrytaj cikavaści na biržy CME da $339 młn na fonie rostu cany i abjomaŭ tarhoŭ tolki paćviardžajuć hetuju teoryju, spryjajučy praciahu rostu i ŭ mai, až da chałvinhu.
Vysnovy
Raźličvać na dalejšy praciah anałahičnaha rostu pakul nie ŭjaŭlajecca mahčymym, pakolki pieršaja chvala padzieńniaŭ tolki paznačyła nastup hłabalnaha kryzisu. Jaho dno, nastupstvy i zaviaršeńnie dzieści daloka napieradzie. Finansavyja spravazdačy najbujniejšych kampanij za pieršy kvartał adnosna stabilnyja, ale pakolki nastup kryzisu pryjšoŭsia jakraz na siaredzinu pieršaha kvartała, pieršyja realnyja danyja buduć atrymany tolki pa vynikach druhoha i treciaha kvartałaŭ 2020 hoda. Adpaviedna, inviestavać u takija aktyvy, jak akcyi abo syravinnyja tavary, pakul vielmi ryzykoŭna, navat kali jany demanstrujuć burny rost. Zołata, Bitcoin napiaredadni chałvinhu, a taksama Ethereum na dadzieny momant — najmienš uraźlivyja aktyvy.
Ahlady fondavaha rynku my robim razam z Currency.com. Kryptabirža Currency.com prapanuje svaim klijentam adny z samych nizkich handlovych kamisij na rynku i adny z samych nizkich kamisij za ŭvod i vyvad srodkaŭ — mienš za 1%. Papaŭnieńnie bałansu i vyvad dastupny ŭ fijatnych valutach praz karty Visa i MasterCard abo bankaŭskim pieravodam. Taksama dastupna papaŭnieńnie bałansu i vyvad u kryptavalutach.
Currency.com rehulujecca biełaruskim zakanadaŭstvam.
Biełaruś — adna ź pieršych u śviecie krain, jakaja vyznačyła pravavy status kryptavalut i pryniała dekret, jaki rehłamientuje paradak raboty z kryptavalutami. Bolš padrabiazna aznajomicca z płatformaj možna na aficyjnym sajcie: exchange.currency.com.
Pamiatajecie, što inviestycyi źviazanyja z ryzykaj straty ŭsich inviestycyj.
Hety materyjał nie źjaŭlajecca finansavaj kansultacyjaj.
Pośpiech raniejšych inviestycyj nie aznačaje pośpiechu ŭ budučyni.
U materyjale vykarystany fota Shutterstock.com.
