U efiry «Kłuba redaktaraŭ» na «Biełaruś 1» abmierkavali našumiełyja zajavy redaktara adździeła rasśledavańniaŭ «Sovietskoj Biełoruśsii» Ramana Rudzia. Toj nazvaŭ niedziaržaŭnych žurnalistaŭ hnidami i mraziami, zaklikaŭ departavać ich z krainy i vykarystoŭvać u ich adnosinach kuli.
Čytajcie. Redaktar «SB» pra niedziaržaŭnych žurnalistaŭ: Heta hnidy i mrazi, patrebny kuli i emihrancki parachod
Adkaz trymaŭ jaho kiraŭnik, hałoŭny redaktar «Sovietskoj Biełoruśsii» Dźmitryj Žuk.
Hałoŭny redaktar «SB» Dźmitryj Žuk. Fota Uładzimira Śmirnova, TASS
«Vy ŭ siabie tam zabojstvami zanialisia?» — zaśmiajaŭsia staršynia Biełteleradyjokampanii Ivan Ejsmant.
«Jany vyciahnuli z fejsbuka, dzie dva žurnalisty «SB» abmiarkoŭvali pracu niezaležnych — u dvuchkośsi — ŚMI, u tym liku i «Našaj Nivy». I ŭ davoli emacyjnaj formie i žorstka prajšlisia pa ich.
Pra što havorka? Našy žurnalisty Dźmitryj Krat i Raman Rudź miarkujuć, što zaklikać da sumleńnia aŭtaraŭ «Našaj Nivy» niama sensu. U pryncypie, ja ź imi salidarny. Paraŭnoŭvajuć ich ź niečyściu. I prapanujuć dla niečyści srebnyja kuli. Chłopcy troški patrolili, vobrazna. U vyniku hetaj (na «NN») publikacyi na poštu «SB» pryjšła realnaja pahroza».
