Bośnija i Hiercahavina ŭ sieradu paviedamiła pra najbolš rezki štodzionny rost kolkaści novych vypadkaŭ karanavirusnaj infiekcyi ŭ hetym miesiacy paśla taho, jak u krainie pačali asłablać karancin, piša Reuters.
Pa aficyjnych danych, za papiarednija 24 hadziny byli zarehistravanyja 93 novyja vypadki zaražeńnia i dźvie śmierci, u paraŭnańni z 20 novymi vypadkami dniom raniej i 49 vypadkami ŭ paniadziełak.
Ahulnaja kolkaść inficyravanych uzrasła da 1677, pamierli 65 čałaviek. U krainie zrabili testy 29 130 čałaviek.
U Respublicy Sierbskaj u paniadziełak pažyłym ludziam dazvolili vychodzić z domu na try hadziny kožny pracoŭny dzień.
U inšaj aŭtanomnaj vobłaści krainy, Fiederacyi Bośnii i Hiercahaviny, u piatnicu admianili načnuju kamiendanckuju hadzinu, a taksama dazvolili pažyłym ludziam i dzieciam vychodzić z domu na niekalki hadzin raz u dva dni.
Raniej u Bośnii dziejničali žorstkija abmiežavańni dla baraćby z raspaŭsiudžvańniem karanavirusa, zhodna ź jakimi pažyłym ludziam i dzieciam naohuł nie dazvalałasia pakidać svaju kvateru.
