Kalinkavickim rajonnym adździełam Śledčaha kamiteta raspačata kryminalnaja sprava pa fakcie zabojstva 46-hadovaha žychara adnoj ź viosak Kalinkavickaha rajona, jaki z 20 krasavika ličyŭsia jak źnikły bieź viestak, paviedamlaje «Źviazda».
U chodzie praviadzieńnia apieratyŭna-vyšukovych mierapryjemstvaŭ supracoŭnikami kryminalnaha vyšuku była atrymana infarmacyja, što śmierć mužčyny nosić kryminalny charaktar. Pa padazreńni ŭ zabojstvie byŭ zatrymany 19-hadovy žychar Chojnickaha rajona, jaki pryznaŭsia ŭ złačynstvie i raspavioŭ pra miescaznachodžańnie cieła zahinułaha.
Śledča-apieratyŭnaj hrupaj 24 krasavika pry praviercy infarmacyi, jakaja pastupiła, praviedzieny ahlad nazvanaha padazravanym učastka miascovaści ŭ lasnym masivie pablizu vioski Hulevičy Kalinkavickaha rajona i vyjaŭlena schavanaje pad halinkami dreŭ cieła paciarpiełaha.
Pa viersii śledstva, 6 krasavika paciarpieły išoŭ uzdoŭž aŭtadarohi Kalinkavičy — Chojniki. Na šlachu mužčyna sustreŭ na darozie nieznajomaha chłopca, ź jakim vyrašyŭ vypić. Paśla raśpićcia śpirtnych napojaŭ pamiž fihurantami adbyŭsia kanflikt, padčas jakoha małady čałaviek źbiŭ mužčynu. Ad atrymanych cialesnych paškodžańniaŭ paciarpieły pamior na miescy zdareńnia. Chłopiec schavaŭ cieła zahinułaha pad halinkami i schavaŭsia.
