pixabay.com
Pražski hrad, jaki źjaŭlajecca rezidencyjaj prezidentaŭ Čechii i najbujniejšym u respublicy muziejna-pałacavym kompleksam, znoŭ adkryjecca dla naviedvańnia turystami 25 maja. Pra heta paviedamiŭ u sieradu žurnalistam pres-sakratar kiraŭnika češskaha dziaržavy Iržy Oŭčačak, piša TASS.
«Adkryćcio Pražskaha hrada [dla naviedvańnia turystami] zapłanavana na 25 maja», — skazaŭ jon.
Pražski hrad byŭ zakryty dla hramadskaści 12 sakavika, kali ŭ respublicy była ŭviedziena nadzvyčajnaja situacyja praz raspaŭsiudžvańnie karanavirusa. Z 20 krasavika češskija ŭłady prystupili da źmiakčeńnia sacyjalnych abmiežavańniaŭ, apošnija ź jakich płanujecca źniać 25 maja.
U Čechii z 1 sakavika, kali Ministerstva achovy zdaroŭja painfarmavała ab źjaŭleńni karanavirusa na nacyjanalnaj terytoryi, ahulnaja kolkaść inficyravanych składaje na siońnia 7504.
Testy na karanavirus za hety čas zdali 226 255 čałaviek. Ad chvaroby, vyklikanaj virusam, pamierli 227 žycharoŭ respubliki, vylečylisia — 2948.
