Kyrhyzstan nie zmoža pravieści masavyja mierapryjemstvy 9 maja ŭ honar 75-hodździa Pieramohi z-za pašyreńnia karanavirusa. Pra heta ŭ aŭtorak zajaviŭ prezident krainy Saaranbaj Žeenbiekaŭ na pasiadžeńni Rady biaśpieki, piša tass.ru.
Pa słovach Žeenbiekava, vieteranam vajny i pracaŭnikam tyłu, «jak i ŭ minułyja hady, budzie nadadziena asablivaja ŭvaha, u srodkach masavaj infarmacyi šyroka aśvietlać prajekty, pryśviečanyja Vialikaj Pieramozie».
Prezident Kyrhyzstana ŭvioŭ z 25 sakavika ŭ stalicy, abłasnych centrach Oš i Džałał-Abad, a taksama ŭ troch rajonach Ošskaj i Džałał-Abadskaj abłaściej nadzvyčajnaje stanovišča. U nazvanych nasielenych punktach ad 21:00 da 06:00 dziejničaje kamiendanckaja hadzina. Na astatniaj terytoryi krainy ź siaredziny sakavika dziejničaje režym nadzvyčajnaj situacyi.
Pieršy vypadak zaražeńnia karanavirusam u Kyrhyzstanie byŭ vyjaŭleny 18 sakavika. Pavodle apošnich źviestak, u krainie vyjaŭlena 708 infikavanych, siarod jakich 185 miedrabotnikaŭ. Vosiem čałaviek pamierli, 420 vylečylisia.
