Premjer-ministr Novaj Ziełandyi Džasinda Ardern zajaviła, što krainie «ŭdałosia paźbiehnuć horšaha» ŭ suviazi z epidemijaj karanavirusnaj infiekcyi, i ciapier epidemija ŭ krainie spynienaja, piša Radyjo Svaboda.
Na praciahu niekalkich apošnich dzion u Novaj Zelandyi (nasielnictva 4,8 młn čałaviek) vyjaŭlajuć tolki adzinki novych vypadku zaražeńnia. Usiaho ŭ krainie zafiksavana 1469 vypadkaŭ, pamierli 19 čałaviek.
Pavodle Ardern, u krainie ŭdałosia spynić niekantralavanaje pašyreńnie infiekcyi. Admysłoŭcy mohuć adsačyć krynicu kožnaha novaha zaražeńnia i ŭsie kantakty zaražanych i trymać raspaŭsiudžvańnie karanavirusa pad kantrolem.
Novaja Ziełandyja ŭviała strohija abmiežavalnyja miery ŭ samym pačatku epidemii. Byli chutka pierakrytyja miežy, uviedzieny strohi karancin dla ŭsich, chto viartaŭsia z-za miažy, zakrytyja dla naviedvańniaŭ hramadskija miescy, kaviarni i restarany (im było zabaroniena navat pracavać na vynas abo praz servisy dastaŭki). Dziakujučy hetym mieram krainie faktyčna ŭdałosia praduchilić epidemiju.
