kremlin.ru
Prezident Rasii Uładzimir Pucin moža padoŭžyć režym niepracoŭnych dzion jak minimum da 11 maja, zajaviŭ hubiernatar Vałahodskaj vobłaści Aleh Kuŭšyńnikaŭ. Jaho słovy pryvodzić TASS.
Pucin praviadzie naradu z kiraŭnikami rehijonaŭ u aŭtorak, 28 krasavika. Čakajecca, što na im prezident moža zrabić zajavu ab pierśpiektyvach padaŭžeńnia abmiežavańniaŭ.
«Čakajem zajavu prezidenta ŭ aŭtorak», — skazaŭ Kuŭšyńnikaŭ padčas pasiadžeńnia rehijanalnaha apierštaba pa situacyi z raspaŭsiudžvańniem karanavirusnaj infiekcyi.
Pucin abviaściŭ dni z 28 sakavika pa 5 krasavika niepracoŭnymi z-za raspaŭsiudžvańnia karanavirusa. U dalejšym kiraŭnik dziaržavy padoŭžyŭ pieryjad karancinu da kanca krasavika. Miž tym pik karanavirusa ŭ krainie jašče nie projdzieny. Čakajecca, što jon adbudziecca ŭ mai.