«U siarednim na bankaŭskaje absłuhoŭvańnie biznes vydatkoŭvaje ad 15 da 50 rubloŭ u miesiac. My vyrašyli padtrymać ustanovy hramadskaha charčavańnia, dajučy im biaspłatnaje absłuhoŭvańnie, — raspaviadajuć u BSB Banku. — Biznes-pakiet «MY razam!» mohuć aformić jak dziejnyja, tak i novyja klijenty. My raźličvajem, što nulavyja taryfy dapamohuć biznesu pieražyć hety čas i ščaśliva viarnucca da raniejšych abarotaŭ».
U biznes-pakiecie adsutničaje abanienckaja płata, a płaciažy ŭ biełaruskich rublach možna ździajśniać biez kamisii i abmiežavańniaŭ. U pryvatnaści, bank dazvalaje biaspłatna adkryvać rublovyja i valutnyja rachunki. Toje ž samaje tyčycca ŭniasieńnia najaŭnych, što asabliva aktualna dla śfiery hramadskaha charčavańnia. Biez kamisii možna zaśviedčvać kartki ŭzorami podpisaŭ i adbitkam piačatki pry adkryćci rachunku.
Akramia taho, adsutničaje płata za vykarystańnie mabilnaha i internet-banka, u tym liku addalenaje praviadzieńnie płaciažoŭ i abmien dakumientami. Taksama možna kruhłasutačna pieravodzić zarpłatu abo asabisty dachod. U pakiet uvachodzić biaspłatnaja pravierka kontrahientaŭ u internet-banku. Apošni intehravany z 1S, tamu ździajśniać płaciažy možna prosta z buchhałtarskaj prahramy.
Padklučyć biaspłatny pakiet možna ŭ BSB Banku z 1 traŭnia da kanca žniŭnia, a karystacca — da kanca vieraśnia.
