Ministerstva achovy zdaroŭja rekamienduje pry addalenym navučańni adpraŭlać nastaŭniku vykananyja chatnija zadańni pa elektronnaj pošcie, paviedamiła namieśnik načalnika adździeła hihijeny, epidemijałohii i prafiłaktyki Minzdaroŭja Ina Karaban padčas strymu na YouTube-kanale Nacyjanalnaha pres-centra, pieradaje BIEŁTA.
«U viek technałohij chatnija zadańni možna vykonvać na kampjutary i vysyłać pa elektronnaj pošcie nastaŭniku», — adznačyła Ina Karaban.
Kali takoj mahčymaści niama, a nastaŭnik usio ž choča maksimalna siabie zaścierahčy, pracavać sa školnymi sšytkami jon moža, nadzieŭšy palčatki. Potym treba źmiaścić palčatki ŭ pakiet, jaki začyniajecca, i vykinuć u skryniu.
Kažučy pra toje, kolki karanavirus moža žyć na sšytkach, Ina Karaban adznačyła, što hetaje pytańnie niedastatkova vyvučana. Na peŭnaj pavierchni mohuć zachoŭvacca reštki RNK, jakija razam z tym nie vyklikajuć zachvorvańnia.
