Ina Karaban, fota Nadziei Bužan
Pra heta paviedamiła padčas strymu namieśnik načalnika adździeła hihijeny, epidemijałohii i prafiłaktyki Ministerstva achovy zdaroŭja Ina Karaban, adkazvajučy na pytańnie, ci možna čałavieku, jaki zachvareŭ na karanavirus i znachodzicca ŭ samaizalacyi doma, vychodzić u kramu, apteku ci prosta hulać na vulicy.
«Vychodzić z kvatery ŭvieś čas nielha, — skazała Ina Karaban.
Zamoŭcie sabie dastaŭku, ale kab heta było bieskantaktna, raić jana.
Ludziam, jakija znachodziacca na samaizalacyi, nielha naviedvać miescy masavaha zboru ludziej, varta izalavacca ad svaich chatnich. Z pažyłymi baćkami, kali vy žyviacie ź imi, abaviazkova treba abmiežavać kantakty.
Usie hadžety ŭ domie, dzie pražyvaje chvory, nieabchodna abaviazkova vycirać, uklučna z pultami ad televizara abo kampjutarnymi myškami.
U domie treba pravodzić častuju vilhotnuju ŭborku. Myjnyja srodki mohuć być lubyja. Doma nie abaviazkova mieć admysłovy srodak, možna karystacca mylnym rastvoram.