Sanitarka Viasnoŭskaha doma-internata ŭ Hłuskim rajonie, u jakoj paćvierdzili karanavirusnuju infiekcyju, znachodzicca ŭ špitali Babrujska. U internacie — pavyšany režym supraćepidemijałahičnaha mier, raspaviali TUT.BY u rajvykankamie. Izalavany 18 dziaciej, u jakich uziali analiz na karanavirusnuju infiekcyju — vynik pavinny atrymać na praciahu nastupnych paŭtara sutak.
Viasnoŭski dom-internat znachodzicca ŭ 18 km ad Hłuska. Tut navučajuć i dahladajuć 170 vychavancaŭ z asablivaściami psicha-fizičnaha raźvićcia.
Sanitarku zabrali ŭ balnicu pierad vychadam na źmienu — da hetaha jaje nie było na pracy 5 dzion.
Jak raspavioŭ TUT.BY namieśnik staršyni Hłuskaha rajvykankama Dźmitryj Cimčanka, u internacie izalavanaja hrupa z 18 dziaciej, ź jakimi kantaktavała špitalizavanaja sanitarka. Śpiecyjalisty vyznačyli taksama supracoŭnikaŭ, jakija mieli znosiny z žančynaj. Va ŭsich uziali testy na karanavirus.
— Nie čakajučy vynikaŭ, u domie-internacie praviali sanapracoŭku — zvonku i ŭnutry, — dadaŭ Dźmitryj Cimčanka.
