Delfi
Ministerstva achovy zdaroŭja Litvy 21 krasavika zarehistravała prajekt zakona, u jakim praduhledžana pačać druhi etap źmiakčeńnia karancinu z 29 krasavika. Kali ŭrad ŭchvalić hetuju prapanovu, to adkryjucca vuličnyja kafe, sałony pryhažości, biblijateki i muziei, piša Delfi.
Adnak našeńnie masak u hramadskich miescach usio jašče budzie abaviazkovym, za vyklučeńniem tych vypadkaŭ, kali čałaviek jeść ci pje va ŭstanovie hramadskaha charčavańnia.
U prajekcie adznačana, što kafe i restarany zmohuć pracavać na adkrytaj prastory, h.zn. u vuličnych kafe. Pa-raniejšamu jany zmohuć pradavać ježu navynas.
Što tyčycca sałonaŭ pryhažości, Ministerstva achovy zdaroŭja adznačaje, što pracavać zmohuć cyrulniki i śpiecyjalisty manikiuru i piedykiuru, kali ŭ pamiaškańni budzie abmiežavana kolkaść naviedvalnikaŭ i inšych klijentaŭ — zabiaśpiečać nie mienš za 10 kv. m dla akazańnia pasłuhi adnamu klijentu, abo adnačasova možna absłuhoŭvać adnaho klijenta.
U prajekcie ŭstanoŭlena, što dazvolać praviadzieńnie kursaŭ pa kiravańni aŭto i ekzamienaŭ na kiravańnie, a taksama kursy kiravańnia samalotami.
Muziei i biblijateki zmohuć naviedvać hrupy nie bolš za dva čałavieki, vyklučeńnie tyčycca tolki blizkich svajakoŭ, členaŭ adnoj siamji — dziaciej i baćkoŭ, apiekunoŭ.
U Litvie za ŭvieś čas zarehistravana 1370 vypadkaŭ karanavirusa (503 na 1 młn nasielnictva, u Biełarusi — 711 vypadkaŭ na 1 młn), 38 čałaviek pamierli.
U apošni čas strohimi mierami ŭdałosia krychu zatarmazić epidemiju. Praŭda, 18 krasavika byŭ skačok zaražeńnia (90 čałaviek), 19 krasavika zafiksavana 29 vypadkaŭ, 20 krasavika — 28, 21-ha — 24.
