Za sutki kolkaść chvorych na karanavirus u Pastaŭskim rajonie vyrasła na 10 čałaviek, 21 krasavika rajonnaja hazieta paviedamiła ŭžo pra 31 pacyjenta. Takim čynam, pa kolkaści vyjaŭlenych vypadkaŭ COVID-19 rehijon užo abahnaŭ Loźnienski, Biešankovicki i Šumilinski rajony, paviedamlajuć Narodnyja naviny Viciebska.
Taksama ŭ aŭtorak stała viadomaja abnoŭlenaja infarmacyja pa Połackim rajonie. Jak paviedamiŭ namieśnik staršyni Navapołackaha harvykankama Andrej Adzinočkin ŭ efiry telekanała «Viektar TB», na 20 krasavika ŭ mižrajonnym infiekcyjnym adździaleńni Navapołackaj haradskoj balnicy znachodziłasia 24 pacyjenty z COVID-19, 17 ź ich — žychary Navapołacka.
U Vierchniadźvinskim rajonie ŭžo 4 čałavieki zachvareli na karanavirusnuju infiekcyju, tady jak 17 krasavika tut były tolki 2 takija pacyjenty. Taksama «Dźvinskaja praŭda» paviedamlaje pr 16 chvorych ź pnieŭmanijaj.
Dobryja naviny pryjšli z Hłybockaha rajona: jak piša miascovaja hazieta, tut pa-raniejšamu vyjaŭlena tolki 4 vypadki zaražeńnia karanavirusam, pryčym pieršy pacyjent — student viciebskaha VNU — užo vyzdaravieŭ.
