Akcyja 19 krasavika, Tut.by
Sud Leninskaha rajona Bresta 20 krasavika aryštavaŭ na 15 sutak zatrymanych raniej pratestoŭcaŭ suprać zapusku akumulatarnaha zavoda Dźmitryja Andrasiuka i Alaksandra Kabanava, piša «Radyjo Svaboda».
Alaksandra Kabanava aryštavali na 15 sutak za arhanizacyju akcyi 12 krasavika. Andrasiuka aryštavali taksama na 15 sutak za ŭdzieł u niesankcyjavanym mierapryjemstvie. Administracyjnuju spravu Biekaluka adkłali da 22 krasavika, paśla taho jak jon paprasiŭ tydzień dla pracy advakata.
Tydzień tamu, 12 krasavika, prykładna 200 čałaviek prajšlisia kałonaj pa centry Bresta, pratestujučy suprać zapusku akumulatarnaha zavoda.
17 krasavika byŭ zatrymany Dźmitryj Biekaluk. 18 krasavika taksama zatrymali Alaksandra Kabanava i Dźmitryja Andrasiuka.
Učora ŭ akcyi pratestu brali ŭdzieł kala 300 čałaviek.
Kala 300 čałaviek prajšli pa centry Bresta z zaklikam da adstaŭki Łukašenki
