Pakul adny ŭ pieryjad pandemii karanavirusnaj infiekcyi imknucca maksimalna zaścierahčy siabie ad zaražeńnia i nie dapuścić raspaŭsiudžvańnia virusa, źmiatajučy maski i antysieptyki z pryłaŭkaŭ, inšyja zarablajuć miljony na šyćci abo pieraprodažy masak, antysieptykaŭ i navat achoŭnych amuletaŭ u vyhladzie bejdžykaŭ z časnakom, śpirtam i asinavym kałom. Da zakančeńnia pandemii jany zarobiać sabie na adpačynak, mašynu, kvateru, a niekatoryja i ŭvohule na ŭsio astatniaje žyćcio.
Uźnikaje pytańnie: a na čym jašče možna zarabić u pieryjad hłabalnaha karancinu? Chajp na tualetnuju papieru prajšoŭ, zakazy na maski i antysieptyki navat u padvalnych vytvorcaŭ raśpisany na niekalki miesiacaŭ napierad. Moža być, varta źviarnuć uvahu na samich vytvorcaŭ? Na akcyi farmaceŭtyčnych kampanij? Davajcie pahladzim.
Fota Shutterstock.
Pieradavyja kampanii
Na dadzieny momant pracaj nad vyvučeńniem virusa i raspracoŭkaj vakcyny aficyjna zajmajucca kala 40 kampanij i navukova-daśledčych instytutaŭ. Siarod ich možna sustreć davoli viadomyja amierykanskija kampanii Johnson & Johnson i Pfizer. Zrazumieła, infarmacyja pra heta paŭpłyvała na rost koštu ich akcyj.
Za apošni miesiac košt akcyj Johnson & Johnson vyras sa $110 da $146, bolš čym na 30%.
Košt akcyj Pfizer za toj ža pieryjad taksama vyras na 30%, z $28 da $36,5.
Adnak heta jašče nie rekord, akcyi bolš vuzkaśpiecyjalizavanych kampanij, jakija zajmajucca raspracoŭkaj vakcyn, aŭtsorsinham miedycynskich pasłuh, achoŭnaha adzieńnia i inšaj miedycynskaj pradukcyi, prademanstravali bolš mahutnyja ŭsploski vałacilnaści:
- Akcyi Allied Healthcare z 21 pa 28 lutaha vyraśli na (!) 2150%, z $2 da $45. Adnak nieŭzabavie abvalilisia i siońnia kaštujuć $14. U dadzieny momant prybytak na akcyju składaje 600%.
- Akcyi Alpha Pro Tech z 20 pa 28 lutaha vyraśli na 750%, z $5 da $42. Siońnia ich košt $13, što składaje 160% prybytku za 2 miesiacy.
- Akcyi Inovio Pharmaceuticals z 3 da 9 sakavika vyraśli na 400%, z $3,88 da $19,33, paśla čaho rezka abvalilisia da $7,8, ale navat u hetym vypadku biahučy rost składaje bolš za 100%.
- Akcyi Vir Biotechnology z 22 pa 28 lutaha vyraśli z $16 da $74, što skłała bolš za 350% profitu. Siońnia akcyi kampanii kaštujuć $29,5.
- Akcyi BioNTech z 13 pa 18 sakavika vyraśli na 275%, z $28 da $105, ale, jak i Inovio, praktyčna adrazu ŭpali ŭ košcie da $42, biahučaja prybytkovaść 48%.
- Za toj ža pieryjad akcyi kampanii Lakeland Industries vyraśli na 135%, z $12 da $28, i nieŭzabavie taksama ŭpali. Ciapier akcyi kaštujuć $16,5.
- Akcyi Arcturus Therapeutics vyraśli na 100%, z $9 da $18.
- Akcyi kitajskaj kampanii Fosun Pharma vyraśli za apošni miesiac na 48%, z $19 da $28,05 na Hankonhskaj biržy.
- Akcyi kampanii Merck & Co Inc, jakaja raspracavała vakcynu ad lichamanki Eboła, za apošni miesiac vyraśli na 28% z $65 da $83.
Čytajcie taksama: Jak pačać karystacca kryptapłatformaj — padrabiaznaja instrukcyja
Daśviedčanyja inviestary, jakija ŭžo sutykalisia z epidemijami i pandemijami, vierahodna, paśpieli inviestavać u akcyi pieraličanych vyšej kampanij, zarabić i vyjści ź ich. Adnak dalejšyja inviestycyi ŭ akcyi padobnych kampanij z kožnym dniom stanoviacca bolš ryzykoŭnymi. Kali źviarnucca da historyi, to na hrafikach dobra vidać, što ŭ pieryjad uspyški epidemij akcyi miedycynskich kampanij burna, ale karotkaterminova raśli, paśla čaho padali jašče macniej i chutčej.
Akcyi kampanii Novaxax paśla rostu koštu ŭ pieryjad vybuchaŭ virusa SARS, śvinoha hrypu i lichamanki Eboła padali nižej, čym kaštavali da pačatku epidemii.
Anałahičnaja situacyja z akcyjami kampanii Lakeland Industries.
Jak bačycie, rost tolki karotkaterminovy, nie bolš čym inviestycyjny chajp, jaki prynosić kałasalnyja straty tym, chto kupiŭ akcyi hetych kampanij na piku. Bujnyja epidemii i pandemii adbyvajucca prykładna kožnyja 7—10 hadoŭ. Heta značyć, što kali vam nie pašancavała i vy kupili akcyi farmkampanija na piku, čakać viartańnia inviestycyj pryjdziecca kala 10 hadoŭ, bo ŭ pramiežku pamiž vybuchami ich košt tolki padaje.
Na jakija aktyvy źviarnuć uvahu?
Pandemija karanavirusa na ruku nie tolki «masačnym» śpiekulantam, ale i kampanijam, kolkaść klijentaŭ jakich vyrasła dziakujučy ŭviadzieńni paŭsiudnaha karancinu i režymu samaizalacyi. Adny z samych papularnych zaniatkaŭ na karancinie — hladzieć filmy anłajn, hulać u hulni i ździajśniać anłajn-pakupki.
Naprykład, akcyi stryminhavaha servisu Netflix u suviazi z napłyvam novych karystalnikaŭ za miesiac vyraśli na 44%, z $290 da $418.
Akcyi kampanii Electronic Arts, adnaho ź viadučych raspracoŭščykaŭ hulniaŭ, z 19 sakavika pa 15 krasavika vyraśli na 33%, z $85 da $113.
Akcyi internet-hihanta i pa sumiaščalnictvie anłajn-rytejlera Amazon za anałahičny pieryjad vyraśli bolš čym na 40%, z $1627 da $2290.
U adroźnieńnie ad kampanij Health-industryi, takija kampanii, jak Netflix, EA i Amazon, atrymlivajuć vialiki prytok novych klijentaŭ, dziakujučy jakim vyručka i prybytak budzie raści ŭ doŭhaterminovaj pierśpiektyvie. Heta, biezumoŭna, stanoŭča adabjecca na finansavych spravazdačach kampanij i košcie ich akcyj adpaviedna. Nie vyklučana, što dziakujučy pandemii padobnyja kampanii lohka pieražyvuć ekanamičny kryzis i navat vyrastuć za hety čas.
Mienavita tamu my rekamiendujem źviarnuć vašu uvahu nie na siektar miedycyny, a na akcyi tych kampanij, jakim pandemija idzie na ruku ŭ doŭhaterminovaj pierśpiektyvie. Adnak i ŭ hetym vypadku, pierš čym prymać rašeńni ab pakupkach, treba ŭvažliva vyvučyć finansavyja spravazdačy kampanij i sačyć za navinami.
Ahlady fondavaha rynku my robim razam z Currency.com. Kryptabirža Currency.com prapanuje svaim klijentam adny z samych nizkich handlovych kamisij na rynku i adny z samych nizkich kamisij za ŭvod i vyvad srodkaŭ — mienš za 1%. Papaŭnieńnie bałansu i vyvad dastupny ŭ fijatnych valutach praz karty Visa i MasterCard abo bankaŭskim pieravodam. Taksama dastupna papaŭnieńnie bałansu i vyvad u kryptavalutach.
Currency.com rehulujecca biełaruskim zakanadaŭstvam.
Biełaruś — adna ź pieršych u śviecie krain, jakaja vyznačyła pravavy status kryptavalut i pryniała dekret, jaki rehłamientuje paradak raboty z kryptavalutami. Bolš padrabiazna aznajomicca z płatformaj možna na aficyjnym sajcie: exchange.currency.com.
Pamiatajecie, što inviestycyi źviazanyja z ryzykaj straty ŭsich inviestycyj.
Dadzieny materyjał nie źjaŭlajecca finansavaj kansultacyjaj.
