Pres-słužba prezidenta RF / TASS
Prezident Rasii Uładzimir Pucin kanstatavaŭ, što situacyja z karanavirusam u krainie mianiajecca nie ŭ lepšy bok, piša TASS.
«My bačym, što stanovišča źmianiajecca praktyčna štodnia, i, na žal, pavialičvajecca kolkaść chvorych ludziej. Usio bolš vypadkaŭ mienavita ciažkaha praciakańnia chvaroby, mienavita ciažkaha», — skazaŭ kiraŭnik dziaržavy na naradzie pa pytańni ab sanitarna-epidemijałahičnaj abstanoŭcy ŭ RF.
Pavodle jaho słoŭ, ułady krainy pavinny ŭličvać usie, navat samyja składanyja i ekstraardynarnyja, scenary raźvićcia situacyi z karanavirusam. «Nieabchodna ŭličvać usie scenary raźvićcia situacyi, navat samyja składanyja i ekstraardynarnyja, z tym kab hnutka, apieratyŭna karektavać stratehiju i taktyku našych dziejańniaŭ, u pieršuju čarhu pa akazańni miedycynskaj dapamohi hramadzianam, zrazumieła», — skazaŭ kiraŭnik dziaržavy
Za apošnija sutki kolkaść novych vypadkaŭ zaražeńnia karanavirusam u Rasii pieravysiła 2500. Usiaho na siońnia ŭ Rasii zarehistravali 18 328 vypadkaŭ. Za ŭvieś čas vyzdaravieli 1470 čałaviek, pamierli 148 čałaviek.
