Baćkam buduć vydavać daviedku ab časovaj niepracazdolnaści na čas samaizalacyi ich dziaciej, jakija stali kantaktami pieršaha abo druhoha ŭzroŭniu ŭ suviazi z COVID-19, paviedamili BiełTA ŭ pres-słužbie Ministerstva achovy zdaroŭja, kamientujučy pastanovu viedamstva №34 ad 9 krasavika 2020 hoda.
Dakumient unosić źmieny ŭ Instrukcyju ab paradku praviadzieńnia ekśpiertyzy časovaj niepracazdolnaści, jakaja zaćvierdžana pastanovaj Ministerstva achovy zdaroŭja №104 ad 24 śniežnia 2014 hoda.
Vyznačana, što asobie, jakaja ažyćciaŭlaje dohlad za dziciem u vieku da 10 hadoŭ, što naviedvaje dziciačy sad abo škołu i adnosicca da kantaktaŭ pieršaha abo druhoha (z najaŭnaściu reśpiratornych simptomaŭ) uzroŭniu, pryznačajecca časovaja niepracazdolnaść na termin znachodžańnia dziciaci ŭ samaizalacyi. Heta paćviardžajecca daviedkaj ab časovaj niepracazdolnaści.
Dapamoha pa dohladu dziciem, jakoje nie maje prykmiet zachvorvańnia, nie praduhledžana.