Saudaŭskaja naftavaja karparacyja Saudi Aramco znoŭ adkłała ŭ niadzielu farmiravańnie cenavaha hrafika na majskija ekspartnyja pastaŭki, paviedamlajuć infarmahienctvy sa spasyłkaj na Bloomberg.
Novaja adterminoŭka źviazana ź pieramovami ab skaračeńni zdabyčy nafty pamiž Saudaŭskaj Aravijaj i Mieksikaj, jakija ŭsio jašče praciahvajucca.
5 krasavika Bloomberg, spasyłajučysia na krynicy, paviedamiła, što farmiravańnie hrafika ekspartnych cen adkładziena da 7 ci 9 krasavika. Zatym kampanija pieraniesła jaho na 11 krasavika, raźličvajučy apublikavać hrafik paśla pieramoŭ ministraŭ krain APIEK+ 9 krasavika, a taksama narady ministraŭ enierhietyki krain G20 10 krasavika.
Krainy APIEK+ u noč na piatnicu damovilisia skaracić zdabyču nafty na 10 młn barelaŭ u sutki (b/s) u mai — červieni. Pry hetym abmiežavańnie zdabyčy praciahniecca až da maja 2022 hoda, ale ŭžo ŭ mienšym abjomie. Zhodna z płanam APIEK+, kožnaja z 23 krain-udzielnic pavinna źnizić zdabyču na 23% ad uzroŭniu kastryčnika 2018 hoda.
Vyklučeńnie składajuć Rasija i Saudaŭskaja Aravija, jakija na roŭnych buduć źnižać zdabyču ad 11 młn b/s da 8,5 młn b/s.
Kančatkovamu zaklučeńniu ździełki pieraškodziła Mieksika, jakaja admoviłasia skaračać zdabyču na prapanavanyja joj 400 tys. b/s, a pahadziłasia tolki na 100 tys. b/s. Zatym, pa słovach prezidenta Andresa Manuela Łopiesa Abradora, Miechika damoviŭsia z APIEK+ i Vašynhtonam ab tym, što realnaje skaračeńnie mieksikanskaj zdabyčy składzie 100 tys. b/s, a jašče 250 tys. b/s za Mieksiku skarociać ZŠA.
