U niadzielu, 12 krasavika, Bieraści prajšła čarhovaja akcyja praciŭnikaŭ budaŭnictva akumulatarnaha zavodu la Bieraścia. Heta była pieršaja akcyja paśla paviedamleńnia ab stanoŭčych vynikach čarhovaj ekalahičnaj ekspertyzy zavodu. U mitynhu i šeści pryniali ŭdzieł kala 200 čałaviek, piša «Radyjo Svaboda».
«Siońnia sabrałasia kala 200 čałaviek tut, heta značna bolš, čym zvyčajna, — raskazaŭ «Svabodzie» adzin z praciŭnikaŭ budaŭnictva zavodu, pravaabaronca Raman Kiślak. — Ludzi aburanyja. Apošniaja ekalahičnaja ekspertyza, jakuju zavod prajšoŭ paśpiachova, pakazvaje, što ŭłady dali jaho ŭłaśnikam kart-blanš na zapusk pradpryjemstva».
Akcyja praciahvałasia bolš za hadzinu. Padčas mitynhu i šeścia zatrymańniaŭ udzielnikaŭ nie było.
Bolšaść ludziej pryjšła ŭ maskach i marlevych paviazkach.
Akumulatarny zavod TAA «AjPaŭer» pabudavany na pramysłovaj placoŭcy «Aeraport» u SEZ «Brest», pablizu viosak Chaby, Ščebryn i Telmy-2. Na zavodzie planujecca naładzić poŭny cykł vytvorčaści śvincova-kisłotnych akumulatarnych batarej. Žychary Bieraścia i Bieraściejskaha rajona ličać, što pradpryjemstva pahražaje ich zdaroŭju. Aktyvisty vyjavili šerah parušeńniaŭ pry realizacyi prajekta.