U Hankonhu dziela minimizacyi kantaktaŭ pastajalcaŭ u hatelach pačali absłuhoŭvać robaty, paviedamlaje ria.ru.
Kali va ŭmovach pandemii COVID-19 ułaśniki hatelaŭ va ŭsim śviecie skaračajuć piersanał, to hankonski apieratar L'hotel Group, naadvarot, uziaŭ na pracu novaha supracoŭnika.
Jaho zavuć Genie: heta pieršy z troch robataŭ sa štučnym intelektam, jaki budzie absłuhoŭvać haściej z 432 numaroŭ. Jon moža dastaŭlać ježu pastajalcam, u tym liku i tym, chto na karancinie. U dzień u jaho — ad 130 da 150 zamovaŭ. Pryčym častka pastajalcaŭ śpiecyjalna źviartajucca ŭ room service pa dastaŭku straŭ, kab sfatahrafavać niezvyčajnaha «supracoŭnika».
Da kožnaj misii Genie rychtuje čałaviek, kali zahružaje zamovu ŭ kantejnier usiaredzinie robata i ŭvodzić numar pakoja hościa. Paśla hetaha mašyna dziejničaje samastojna: vyklikaje lift, znachodzić patrebny pakoj, paviedamlaje pastajalcu pra prybyćcio i čakaje, pakul zabiaruć zamovu. Paśla kožnaha vizitu «supracoŭnika» dezynfikujuć.
Pa miery adnaŭleńnia industryi turyzmu ŭ Hankonhu ŭ Genie źjaviacca jašče dva kalehi. Cana kožnaha — bolš za 100 tysiač dalaraŭ.
Ateljery spadziajucca, što robaty stanuć ich «praktyčnaj» pieravahaj: z-za aściarohi padchapić karanavirus turysty prosiać źvieści da minimumu kantakty ź inšymi pastajalcami i piersanałam.
Pavodle acenki pradstaŭnikoŭ haściničnaha siektara, patreba ŭ «bieskantaktavym» absłuhoŭvańni haściej stanie «miehatrendam» u najbližejšyja piać hadoŭ.
