Małodšyja hetaha nie pamiatajuć, a starejšaje pakaleńnie dobra pamiataje. Kali pry SSSR bolšaść cerkvaŭ i kaściołaŭ była zakrytaja, a chto ich naviedvaŭ, ryzykavaŭ być pakaranym, ludzi vymušana adznačali vialikija relihijnyja śviaty doma.
Piroh-paschu, jajki-krašanki i inšyja vielikodnyja stravy tady błasłaŭlaŭ svajoj malitvaj starejšy ŭ siamji ci z prysutnych.
Toje samaje rabili źniavolenyja ŭ nacysckich i savieckich kancłahierach, pazbaŭlenyja śviatarskaj apieki. Pra heta zachavalisia cudoŭnyja ŭspaminy, naprykład, piśmieńnicy Łarysy Hienijuš.
Hetaje chatniaje błasłaŭleńnie nie mienš mocnaje za carkoŭnaje.
Kab spynić karanavirus, hetaje samaje vialikaje vyprabavańnie našaha času, rekamiendujecca zastavacca doma i nie źbiracca ŭ ludnych miescach.
Katalicki arcybiskup Tadevuš Kandrusievič taksama zaklikaŭ viernikaŭ śviatkavać Vialikdzień doma i admianiŭ tradycyjnaje błasłaŭleńnie vielikodnych stravaŭ biskupami, kab paźbiehnuć zboru vialikaj kolkaści ludziej.
Taksama Kandrusievič śpiecyjalnym Dekretam dazvoliŭ viernikam sioleta ździejśnić błasłaŭleńnie vielikodnych stravaŭ u chatnich umovach.
Śviatuju imšu ź minskaj Katedry možna hladzieć anłajn:
Taksama 12 krasavika u 16:20 na telekanale «Biełaruś 3» — žyvaja tranślacyja z Vatykana Vielikodnaha pasłańnia i błahasłavieńnia «Horadu i śvietu» Papy Rymskaha Franciška.
Pravasłaŭny śviet adznačyć Vialikdzień 19 krasavika, a siońnia ŭ pravasłaŭnych — Vierbnica.
Nie zabudźciesia pavinšavać znajomych i siabroŭ sa śviatam.
Chrystos uvaskros! Sapraŭdy ŭvaskros!
