Ryma-kataliki, hreka-kataliki i pratestanty adznačajuć 12 krasavika Vialikdzień — śviata ŭ pamiać pra ŭvaskrasieńnie Chrysta.
Sioleta śviata adbyvajecca va ŭmovach pandemii. Napiaredadni arcybiskup Tadevuš Kandrusievič zaklikaŭ viernikaŭ śviatkavać Vialikdzień doma i admianiŭ tradycyjnaje błasłaŭleńnie vielikodnych stravaŭ biskupami, kab paźbiehnuć zboru vialikaj kolkaści ludziej.
Paradak błasłaŭleńnia vielikodnych stravaŭ u parafijach vyznačajuć probaščy, kirujučysia razvažlivym padychodam i intaresami viernikaŭ.
Taksama Kandrusievič śpiecyjalnym Dekretam dazvoliŭ viernikam sioleta ździejśnić błasłaŭleńnie vielikodnych stravaŭ u chatnich umovach.
Śviatuju imšu ź minskaj Katedry možna hladzieć anłajn:
Taksama 12 krasavika u 16:20 na telekanale «Biełaruś 3» — žyvaja tranślacyja z Vatykana Vielikodnaha pasłańnia i błahasłavieńnia «Horadu i śvietu» Papy Rymskaha Franciška.
Pravasłaŭny śviet adznačyć Vialikdzień 19 krasavika, a siońnia ŭ pravasłaŭnych — Vierbnica.
Nie zabudźciesia pavinšavać znajomych i siabroŭ sa śviatam.
Chrystos uvaskros! Sapraŭdy ŭvaskros!
