Delehacyja Suśvietnaj arhanizacyi achovy zdaroŭja acaniła epidemijałahičnuju situacyju ŭ Viciebskaj vobłaści, paviedamlajuć «Viciebskija viestki».
U składzie delehacyi try ekśpierty — dva supracoŭniki Jeŭrapiejskaha biuro SAAZ u Kapienhahienie i supracoŭnik štab-kvatery SAAZ u Ženievie.
Kiraŭnik vobłaści Mikałaj Šarśnioŭ raspavioŭ pra situacyju, jakaja skłałasia z raspaŭsiudžvańniem COVID-19 na Viciebščynie. Pieršyja chvoryja byli vyjaŭleny ŭ lutym, kali hrupa śpiecyjalistaŭ pradpryjemstvaŭ lohkaj pramysłovaści pryjechała ź Italii, dzie znachodziłasia na vystavie.
Nahadajem, ministerstva achovy zdaroŭja paviedamiła ab padazreńni na pieršy vypadak COVID-19 u Viciebsku 1 sakavika.
Kiraŭnik rehijonu taksama adznačyŭ, što kožnaja kraina vybiraje dla siabie aptymalny varyjant baraćby z pandemijaj.
Važna, jak adznačyli pradstaŭniki Suśvietnaj arhanizacyi achovy zdaroŭja, być hatovym da doŭhaj baraćby z epidemijaj, jakaja moža raściahnucca na 12-18 miesiacaŭ. Taksama važna adciahnuć pik zaražeńnia, kab sistema achovy zdaroŭja była hatova ź im spravicca.
U sustrečy z delehacyjaj SAAZ u Viciebsku ŭdzielničaŭ, siarod inšych, staršynia kamiteta Dziaržkantrolu Leanid Anfimaŭ.
