Namieśnik ministra achovy zdaroŭja Alena Bohdan raspaviała, što Minzdaroŭja apieratyŭna ŭniesła źmieny ŭ narmatyŭna-pravavyja dakumienty pa akazańni dapamohi ciažarnym, paradzicham, taksama byli pierahledžany kliničnyja pratakoły pa akazańni dapamohi dzieciam z karanavirusnaj infiekcyjaj, paviedamlaje Tut.by.
Pa statystycy, u Biełarusi siarod zaražanych mienš za 1% dziaciej. Namieśnik ministra ŭdakładniła, što siarod dziaciej nie było navat siarednieciažkich formaŭ ciačeńnia chvaroby.
Taksama, pa dadzienych Ministerstva achovy zdaroŭja, karanavirus vyjaŭleny ŭ piaci ciažarnych.
— Śpiecyfičnych mier prafiłaktyki ad karanavirusa dla ciažarnych niama, — patłumačyła śpiecyjalist. — Rekamiendacyi dla ich tyja ž. Pahrozy žyćcia ciažarnych z karanavirusam niama. Nie bačym ciažkaha i vielmi ciažkaha stanu ŭ ciažarnych.
Narodžanyja dzieci ŭ chvorych karanavirusam buduć ličycca kantaktami pieršaha ŭzroŭniu.
