Hienieralnaja prakuratura Biełarusi admoviła ŭ vydačy Rasii Mikałaja Machaličava. Jon vyzvaleny z-pad varty, paviedamlaje «Radyjo Svaboda» sa spasyłkaj na pravaabarončuju arhanizacyju Human Constanta.
Rasiejski paśladoŭnik relihijnaj arhanizacyi Śviedki Jahovy paŭtara miesiaca znachodziŭsia pad aryštam u Biełarusi. Pravaabaroncy spadziajucca, što biełaruskija ŭłady daduć jamu prytułak abo status uciekača, paśla čaho toj zmoža žyć u biaśpiecy.
36-hadovaha Mikałaja Machaličava zatrymali 21 lutaha ŭ Haradku Viciebskaj vobłaści. Jamu paviedamili, što Rasieja abviaściła jaho ŭ miždziaržaŭny vyšuk, bo jon naležyć da zabaronienaj relihijnaj supolnaści.
Praz try dni paśla hetaha namieśnik prakurora Haradockaha rajona adpraviŭ jehavista ŭ Viciebski SIZA.
