Vystavačny kompleks u Madrydzie, pieraabstalavany pad časovy špital. Fota: «El Pais»
30 sakavika ŭ Ispanii dzionnaja ličba pamierłych upieršyniu pajšła na spad. 812 čałaviek pamierli ŭ špitalach krainy ad karanavirusa za apošnija 24 hadziny, u paraŭnańni z 844 dniom raniej.
Heta aznačaje, što pačaŭ adčuvacca efiekt ad strohich karancinnych mier, uviedzienych u Ispanii z 14 sakavika. Kolkaść vyŭlenych zaražeńniaŭ u krainie stała padać z 26 sakavika. Adnak krainu čakaje jašče doŭhi pieryjad stabilna vysokaj śmiarotnaści, pierš čym situacyja pačnie palapšacca. Italija ŭvajšła ŭ hety pieryjad roŭna vysokaj śmiarotnaści prykładna tydzień tamu.
Miarkujučy pa statystycy, Ispanija moža stać samaj uražanaj karanavirusam ź vialikich krain Jeŭropy. Heta stała vynikam zapoźnienaha ŭviadzieńnia karancinu na Ibieryjskim paŭvostravie i praviadzieńnia masavych mierapryjemstvaŭ 8 sakavika.
Usiaho ŭ Ispanii pa stanie na siońnia ad zarazy pamierli 7340 čałaviek.
