Raptoŭnaja strata niuchu moža być jašče adnym simptomam zaražeńnia novym typam karanavirusa, havorycca ŭ zajavie Brytanskaj asacyjacyi otarynałarynhałohii (ENT), pieradaje Bi-bi-si.
Hety simptom moža prajaŭlacca pry adsutnaści inšych prykmiet zachvorvańnia, heta značyć takija pacyjenty mohuć być schavanymi nośbitami Covid-19, adznačajuć miedyki.
Pa dadzienych arhanizacyi, jość pierakanaŭčyja dokazy, što hety simptom pajaŭlaŭsia ŭ karanavirusnych pacyjentaŭ u Paŭdniovaj Karei, Kitai i Italii.
U Vialikabrytanii, ZŠA, Francyi i paŭnočnaj Italii adznačajecca raptoŭny rost vypadkaŭ anośmii (straty niuchu), havorycca ŭ sumiesnaj zajavie prafiesara Kłer Chopkins z Brytanskaha tavarystva rynołahaŭ i prafiesara Nirmała Kumara z asacyjacyi otarynałarynhałohii.
«Hetyja pacyjenty mohuć być adnymi z raniej nieviadomych schavanych nośbitaŭ, jakija spryjali chutkamu raspaŭsiudžvańniu Covid-19, — havorycca ŭ zajavie. — Na žal, simptomy hetych pacyjentaŭ nie adpaviadajuć ciapierašniamu kryteru dla zdačy analizaŭ abo samaizalacyi».
Lekary rekamiendujuć ŭličvać hety simptom jak adzin ź instrumientaŭ dla vyjaŭleńnia karanavirusnych pacyjentaŭ, jakija nie pakutujuć ad vysokaj tempieratury abo suchoha kašlu.
«Isnuje imaviernaść, što, kali luboha darosłaha z anaśmijaj, ale bieź inšych simptomaŭ paprosiać samaizalavacca na siem dzion, my mahli b pamienšyć kolkaść bieśsimptomnych chvorych, jakija praciahvajuć dziejničać jak pieranosčyki, nie ŭśviedamlajučy nieabchodnaści samaizalacyi», — kažuć u ENT.
