U infiekcyjnaj balnicy ŭkrainskaha Ivana-Frankoŭska pamierła 56-hadovaja žančyna. Analizy pamierłaj adpravili ŭ Kijeŭ, kab pravieryć, ci nie było ŭ žančyny karanavirusa. 19 sakavika stała viadoma, što pa vynikach analizaŭ u žančyny byŭ karanavirus, paviedamlaje miascovaje vydańnie Hałka. Heta treciaja śmierć čałavieka z COVID-19.
Fota Nadziei Bužan.
Viadoma, što muž žančyny niadaŭna viarnuŭsia z-za miažy.
Pacyjentka pastupiła ŭ balnicu ŭ ciažkim stanie. Doŭhi čas jana zajmałasia samalačeńniem i zanadta pozna źviarnułasia da daktaroŭ. Žančyna pamierła praz sutki paśla špitalizacyi, jašče da atrymańnia vynikaŭ testu na COVID-19.
Usiaho va Ukrainie zafiksavany 21 vypadak COVID-19.
Udakładniena: Raniej ukrainskija ŚMI pamyłkova paviedamili, što heta čaćviortaja śmierć ad COVID-19 u krainie. Nasamreč, heta treci vypadak. Prynosim svaje prabačeńni.
