Rasijskija hramadzianie razam ź biełaruskimi mohuć štodnia vyjechać z Polščy ŭ Biełaruś na čatyroch aŭtobusach, arhanizavanych biełaruskaj ambasadaj u Varšavie. Pra heta karespandentu BiełTA paviedamiŭ ambasadar Biełarusi ŭ Polščy Uładzimir Čušaŭ.
Dypłamat raskazaŭ: «Štodnia try polskija aŭtobusy, jakija arhanizavany pasolstvam Biełarusi ŭ Polščy, pieravoziać 150 čałaviek z Varšavy ŭ Brest i Hrodna. Akramia taho, jašče 50 čałaviek pieravozić aŭtobus ź Biała-Padlaski ŭ Brest. Takim čynam, kožny dzień heta 200 čałaviek. Razam ź biełarusami takoj mahčymaściu mohuć skarystacca i karystajucca rasijskija hramadzianie».
«My znachodzimsia ŭ ciesnym uzajemadziejańni z pasolstvam Rasii ŭ Varšavie jak na ŭzroŭni pasłoŭ, tak i pa linii konsulskich słužbaŭ, — zaŭvažyŭ Uładzimir Čušaŭ. — Akramia taho, biełaruskaja zamiežnaja ŭstanova znachodzicca ŭ pastajannym uzajemadziejańni z pamiežnymi słužbami Polščy i Biełarusi».
Ciapier taksama prapracoŭvajecca pytańnie arhanizacyi časovych znosin dla pieravozki pa maršrucie Biełastok — Hrodna.
Uładzimir Čušaŭ raskazaŭ, što pasolstva Biełarusi ŭ Polščy i biełaruski Mintrans dasiahnuli razumieńnia pa pytańni mahčymaj pieravozki rasijskich hramadzian z Bresta i Hrodna ŭ Rasiju.
