U piatnicu, 20 sakavika, pieravažna biez apadkaŭ, tolki ŭdzień miescami pa poŭnačy krainy projduć nievialikija apadki, u asnoŭnym doždž. Na darohach miescami hałalodzica. Unačy składzie ad minus 4 da +2, udzień — +6-12, piša BiełTA.
U subotu śledam za frantalnym raździełam pačnie pastupać pavietranaja masa z paŭnočnych šyrot. Unačy ad minus 4 da +3, pa poŭnačy — da minus 6. Udzień 0..+7. Z-za paryvistaha paŭnočnaha vietru dzionnaja tempieratura budzie adčuvacca jak 1-6 hradusaŭ marozu.
U niadzielu, 22 sakavika, uładu nad nadvorjem Biełarusi pastupova voźmie chałodny paŭnočna-atłantyčny antycykłon, što pieramiaščajecca z terytoryi Šviecyi na krainy Bałtyi.
Nočču budzie 2-8 hradusaŭ marozu, u paŭnočnych rajonach pry prajaśnieńniach — da minus 10 hradusaŭ.
Udzień budzie ad -2 da +4. U asnoŭnym budzie biez apadkaŭ, tolki miescami pa paŭdniovym uschodzie krainy čakajecca nievialiki karotkačasovy śnieh. Na asobnych učastkach daroh hałalodzica. Viecier prahnazujecca paŭnočna-ŭschodni paryvisty, z-za čaho kamfortnaść nadvorja budzie nizkaj.
Nadvorje Biełarusi zastaniecca pad upłyvam chałodnaha antycykłonu i ŭ pieršaj pałovie nastupnaha tydnia.
