Fota Siarhieja Hudzilina
U Ministerstvie pryrodnych resursaŭ i achovy navakolnaha asiarodździa nazvali samyja čystyja pavierchnievyja vadajomy Biełarusi pavodle danych za 2019 hod. Takaja infarmacyja raźmieščana na sajcie Minpryrody, paviedamlaje BIEŁTA.
«U ich lik uvajšli reki Nioman vyšej horada Stoŭbcy, Śvisłač (nasieleny punkt Suchaja Dalina), Biesiadź (Śviaciłavičy), Ipuć, Prypiać nižej Pinska, Słuč», — adznačyli ŭ Minpryrody.
Najbolš zabrudžanymi ŭ centralnym rehijonie pryznany reki Śvisłač (Karališčavičy), Łošyca ŭ miežach Minska, Plisa ŭ rajonie Žodzina (basiejn Dniapra), Uša nižej Maładziečna (basiejn Niomana), Morač kala Jaskavič.
Na poŭdni krainy - Muchaviec u rajonie Kobryna, Zachodni Buh kala Rečycy, Navasiołak i Tamašoŭki, Lasnaja Pravaja kala Kamieniukoŭ, Rudaŭka (basiejn Buha), Jasielda nižej i vyšej Biarozy, Lva, Haryń (basiejn Prypiaci). Akramia taho, zabrudžany voziera Biełaje i vadaschovišča Biełaviežskaja pušča.
Antrapahienny ŭpłyŭ u najbolšaj stupieni źviedvajuć vodnyja abjekty ŭ basiejnach rek Zachodni Buh, Dniapro, Prypiać. Čaściej za ŭsio ŭ pavierchnievych vadajomach fiksavalisia vialikija kancentracyi bijahiennych elemientaŭ, radziej — arhaničnych rečyvaŭ.
