«U asnoŭnym biez ryfmy» -- tak nazyvajecca kniha vieršaŭ i prozy Paŭła Lubieckaha. U padletkavym vieku ŭ Paŭła vyjavili psichičnaje zachvorvańnie, i mnohija mahčymaści pierad im začynilisia. Tym nie mienš, mahčymaść vyjaŭlać siabie ŭ tvorčaści zastałasia, i heta ŭsio jašče zastajecca adnoj z rečaŭ, jakija praciahvajuć rabić jaho žyćcio asensavanym. Hrošy na knihu sabrali praz kraŭdfandynh na płatformie ulej.by, u zbory paŭdzielničaŭ 61 čałaviek.
Inicyjataram vydańnia knihi vystupiŭ centr reabilitacyi dla ludziej z zachvorvańniami psichiki Minski kłubny dom «Adkrytaja duša».
Kniha aformlenaja niezvyčajnymi ilustracyjami mastački Janiny Zajčanki.
Prezientacyja «asablivaha» zbornika była zapłanavanaja na 21 sakavika. Arhanizatary abiacali sustreču z aŭtarami i aŭtohraf-siesiju ŭ kramie «Akademkniha». Adnak, z pryčyny apošnich padziej, źviazanych z karanavirusam, było vyrašana pieravieści prezientacyju ŭ farmat anłajn-fłešmobu, natchnionaha rekamiendacyjaj PEN-centra: «Siadzi doma, čytaj knihi».
Štodnia, pačynajučy z 21 sakavika, u supolnaściach prezientacyi, kalektyŭ aŭtaraŭ prajekta i ŭsie achvotnyja buduć publikavać videa svajho čytańnia adnaho z tvoraŭ knihi «U asnoŭnym biez ryfmy», razam z chešteham #siadzidomačytajknihi abo #sididomačitajknihi.
Videazvarot aŭtara Paŭła Lubieckaha da čytačoŭ:
Kniha «U asnoŭnym biez ryfmy» dastupnaja ŭ kramach «Akademkniha» i «Kniharnia Łohvinaŭ», a taksama ŭ Nacyjanalnaj biblijatecy.
«Ja sprabavaŭ zrabić knihu samabytnaj: nazvaŭ prazaičny raździeł «prozaj roznych aŭtaraŭ», da prykładu, prydumaŭšy roznych aŭtaraŭ sa svaimi stylami, pohladami i bijahrafijami i prypisaŭšy im niekalki tvoraŭ. Takim čynam, sami aŭtary stali litaraturnymi piersanažami.
U niekatoryja vieršy i apaviadańni ja ŭkładaŭ idei z dzen-budyzmu. Heta ŭsio jašče ekzotyka ŭ biełaruskaj litaratury. Asobnym raździełam iduć «siužety dla filmaŭ», tam jość rečy, suhučnyja kłasičnaj navukovaj fantastycy (toj, jakuju pisali Kłark, Šekli, Azimaŭ i h.d.). Na žal, u sučasnaj litaratury hetyja temy zastajucca zabytymi.
Sama pa sabie tvorčaść u mianie maksimalna šyzoidnaja, i jość upłyŭ niekatorych šyzafreničnych rasstrojstvaŭ myśleńnia (u mianie rasstrojstva šyzafreničnaha śpiektru). Mahčyma, kamuści ź psichijatraŭ moža zdacca, što heta cikavy ilustracyjny materyjał. Ja ryzyknu vykazać zdahadku, što intehravać balučyja pieražyvańni i rasstrojstvy ŭ teksty ŭdałosia», — Pavieł Lubiecki.
«Sutykajučysia z prablemami psichičnaha zdaroŭja, ludzi časta zastajucca za miežami žyćcia, ale heta nie admianiaje ich talentaŭ», — adznačyŭ kiraŭnik kłubnaha doma «Adkrytaja duša» Pavieł Łotvin.
«Kali ja ŭpieršyniu pračytała vieršy Paŭła Lubieckaha, u mianie adrazu ŭźnikła ideja vydańnia knižki, pakolki jany adnačasova i prostyja, i napoŭnienyja žyćciom i fiłasofijaj aŭtara, — kaža mieniedžar kłubnaha doma «Adkrytaja duša» Kaciaryna Huzoŭskaja-Hora. — Mianie zacikaviła heta tvorčaść, i, na moj pohlad, jaho całkam možna adnieści da žanru aŭtsajdarskaha mastactva, vielmi kaštoŭnaha ciapier u mnohich krainach».
Minski kłubny dom «Adkrytaja duša» možna padtrymać tut.
Nabyć heta dy inšyja novyja vydańni i biestsielery možna ŭ kniharni «Akademičnaja kniha» (pr. Niezaležnaści, 72).
RUP «Akademičnaja kniha» UNP 101462648
