Pieršy tankier z azierbajdžanskaj naftaj dla Mazyrskaha NPZ prybyŭ u port Adesy, paviedamiŭ karespandentu BiełTA pres-sakratar kancerna «Biełnaftachim» Alaksandr Ciščanka.
«Tankier z 90 tysiačami ton nafty Azeri Light prybyŭ u port Adesy. Ciapier jaho padhaniajuć pad razhruzku. Siońnia pačniecca źliŭ i padača nafty ŭ «trubu», — raspavioŭ Alaksandr Ciščanka.
Mazyrski naftapierapracoŭčy zavod atrymaje hetuju naftu na nastupnym tydni, dadaŭ pres-sakratar.
Raniej 12 sakavika «Biełnaftachim» paviedamiŭ pra hatoŭnaść naftapravodaŭ Adesa-Brody i Brody-Mazyr da prapampoŭki azierbajdžanskaj nafty z Ukrainy na Mazyrski NPZ. Prapampoŭka nafty praz trubapravodnuju sistemu na Mazyrski NPZ nie ŭpłyvaje na tranzit, adznačyli ŭ kancernie.
Jak paviedamlałasia, dziaržaŭnaja naftavaja kampanija Azierbajdžana Socar pastavić u sakaviku ŭ Biełaruś kala 250 tysiač ton nafty. Pieršy tankier z naftaj dla Mazyrskaha NPZ vyjšaŭ 6 sakavika z tureckaha porta Džejchan. Jašče dva tankiery z naftaj dla Biełarusi pavinny pryjści ŭ Adesu z Navarasijska i Supsy.
