Aktyvisty praz karanavirus vyrašyli admovicca ad śviatkavańnia Dnia Voli-2020 u farmacie masavaha fiestyvalu. Adpaviedny list jany nakirujuć u harvykankam. Śviata projdzie ŭ farmacie, jaki nie praduhledžvaje centralizavanaha masavaha zboru ludziej u adnym miescy. Zadumanyja aktyŭnaści, kvest, pašparty i vizy — pa-raniejšamu aktualnyja, piša Hrodna.life.
Aktyvisty kažuć, što niezrazumieła, jakaja situacyja budzie ŭ Hrodnie praz dva tydni. Kažuć, što nie chočuć padstaŭlać ludziej pad ryzyku zachvorvańnia. Tamu zamiest śviatočnaj padziei budzie šerah nievialikich akcyj kulturna-zabaŭlalnaha charaktaru.
U płanach — pravieści kvest pa horadzie, jaki raściahniecca na niekalki dzion. Zapłanavana jašče niekalki cikavostak, jakija pakul nie raskryvajuć. Na praciahu tydnia pierad 25 sakavika kožny dzień budzie niešta adbyvacca.
Alternatyŭny sposab adznačyć Dzień Voli
Aktyvisty prapanujuć adznačyć Dzień Voli kožnamu, jak jon choča. Naprykład, možna ŭšanavać miescy, źviazanyja z BNR, pryniać udzieł u sici-kveście, ušanavać mahiły dziejačoŭ BNR na pravasłaŭnym mohiłkach na Antonava. Taksama možna ŭšanavać pomniki biełaruskim dziejačam — naprykład, Janku Kupału, naviedać miemaryjalnyja doški Alaksieja Karpiuka i Michasia Vasilka. Abo addać pašanu našym siaredniaviečnym hierojam — Vialikamu kniaziu Vitaŭtu i Davydu Haradzienskamu.
Dzień Voli mieŭsia adbycca ŭ Kałožskim parku ŭ subotu, 21 sakavika z 13.00 da 18.00 u farmacie haradskoha festa-kvesta z naboram cikavostak. U płanach byli palityčnyja i kulturnyja pramovy, muzykalnyja vystupy, handlovy kirmaš, fudkort, dziciačaja placoŭka.
Daviedka
25 sakavika 1918 hodzie ŭ Minsku była stvorana Biełaruskaja Narodnaja Respublika. Hrodna ŭ 1919 hodzie stała druhoj stalicaj BNR. Hramadskija aktyvisty razam z žycharami horada ŭ 2018 i 2019 hodzie adznačyli 100 i 101 hadavinu stvareńnia Biełaruskaj Narodnaj Respubliki kancertam i Vialikim śviatam u Kałožskim parku.
