belarus.by
Staršynia Kanstytucyjnaha suda Biełarusi Piotr Mikłaševič zajaviŭ, što ŭžo vypracavany prapanovy pa źmienie Kanstytucyi.
«Kanstytucyjny sud pry pracy nad źmienami ŭ Kanstytucyju praanalizavaŭ stanovišča Asnoŭnaha zakona krainy z ulikam źmienlivych hramadskich adnosin i realij kanstytucyjnaha budaŭnictva, bolš za 50 kanstytucyj zamiežnych krain. U vyniku vypracavany peŭnyja prapanovy pa ŭdaskanaleńni», — skazaŭ Mikłaševič, jakoha cytuje BiełTA.
Mikłaševič prainfarmavaŭ pra padrychtoŭku prapanoŭ pa źmianieńni Kanstytucyi paśla abviaščeńnia zaklučnaj častki pasłańnia KS prezidentu i pałatam Nacyjanalnaha schodu.
Pra sutnaść zapłanavanych źmien nie paviedamlajecca.
«My prytrymlivalisia taho, kab nie parušyć pryncyp stabilnaha kanstytucyjnaha raźvićcia. Treba zachavać tyja kanstytucyjnyja pałažeńni, jakija sapraŭdy pakazali, što na ich asnovie dasiahajecca mir i spakoj, raźvivajecca ekanomika, sacyjalnaja śfiera. A ŭ cełym — kab źmieny byli nakiravany na sacyjalny prahres, madernizacyju hramadstva i dalejšaje dynamičnaje raźvićcio našaj krainy», — adznačyŭ kiraŭnik KS.
